Cantiga do Neno da Tenda

Print Friendly, PDF & Email

Cantiga do Neno da Tenda (Federico Garcia Lorca)

Seis Poemas Galegos (1935)

BOS Aires ten unha gaita
sobro do Río da Prata
que toca o vento do norde
coa súa gris boca mollada.
¡Triste Ramón de Sismundi!
Aló, na rúa Esmeralda,
basoira que te basoira
polvo d’estantes e caixas.
Ao longo das rúas infindas
os galegos paseiaban
soñando un val imposibel
na verda riba da pampa.
¡Triste Ramón de Sismundi!
Sinteu a muiñeira d’ágoa
mentres sete bois da lúa
pacían na súa lembranza.
Foise pra veira do río,
veira do Rio da Prata.
Sauces e cabalos múos
creban o vidro das ágoas.
Non atopou o xemido
malencónico da gaita,
non víu o imenso gaiteiro
coa boca frolida d’alas;
triste Ramón de Sismundi,
veira do Río da Prata,
víu na tarde amortecida
bermello muro de lama.

Publicações relacionadas

Álvaro de Campos Álvaro de Campos (1889-1935) POEMAS PUBLICADOS BIOGRAFIA: ...
Quando Está Frio Quando Está Frio (Alberto Caeiro) Quando está frio no tempo do frio, para mim...
Post mortem Post mortem (Augusto dos Anjos) Quando do amor das Formas inefáveis ...
A Exceção e a Regra A Exceção e a Regra (Bertold Brecht) Estranhem o que não for estranho. Tomem...

Deixe uma resposta